Home / Sport / Flamurtari e nis mbarë finalen e titullit

Flamurtari e nis mbarë finalen e titullit

Vlonjatet kanë dominuar mbi Tiranën, ndërsa jo vetëm që kanë bindur në fushën e lojës, por dhe e kanë fituar ndeshjen e parë me 17 pikë diferencë

Elton Nika

Flamurtari – Tirana 65-48 (1-0)

(9-10,21-12,19-10,16-16)

Flamurtari: Plasa, Myrto, Nikpajljeviç, Çorto, Mijatoviç, Joziç, Aliaj, Hasanaj, Kostallari, Rrapaj, Palko, Lloi Trajner: V.Toska

Tirana: E.Bujari, Milovanoviç, Popoviç, Zykaj, Xhanaj, Bojd, G.Bujari, Berranija, Gjoni, Rreshpja, Okoje Trajner: R.Avrami

Gjyqtarë: G.Cici, E.Koçi, E.Allaraj (Tiranë)

Flamurtari në basketboll për femra e ka nisur mbarë fazën finale për titull kampion, ndërsa ka fituar dje në Vlorë ndeshjen e parë me një avantazh prej 17 pikësh diferencë, 65-48. Dy ekipet elitare të basketbollit të femrave kanë tërhequr shumë spektatorë në Pallatin e Sportit në Vlorë. Ndeshja ka nisur me mjaft emocione dhe gabime nga të dyja skuadrat. Pothuajse e ekuilibruar ka qenë kjo periodë ku në minutën e 5-të lojës rezultati shënonte në tabelën elektronike 4-4. Edhe pjesa e mbetur ka qenë e ekuilibruar, ndërsa 30 sekonda përpara përfundimit të periodës së parë gjithçka ishte në barazim 9-9. Fitoren ekipit kryeqytetas, në këtë pjesë loje, ia ka dhënë Bojd, e cila ka realizuar vetëm një gjuajtje të lirë nga dy të mundshme. Dhe në përfundim 9-10 për Tiranën. Në 10 minutëshin e dytë vlonjatet janë zgjuar dhe është Aliaj e Çorto që shënojnë pikët e para për vlonjatet. Të dyja ekipet tregohen shumë luftarake dhe të sakta në drejtim të koshit, por vlonjatet janë më efikase në lojën e tyre. Joziç ka zhvilluar një pjesë mjaft të mirë duke i dhënë skuadrës energjinë e munguar periodën e parë. Pjesa e parë e takimit mbyllet 30-22. Perioda e tretë ka qenë perioda e trepikëshave për Flamurtarin, atje ku Nikpajljeviç ka shënuar 3 të tillë, ndërsa Joziç 1. Loja ka qenë e një niveli të lartë, ku vlonjatet kanë qenë rezultative dhe të sakta, ndërsa rezultati është thelluar në 49-32. Në periodën e fundit, Tirana mundohet të ekuilibrojë, kurse Milovanoviç dhe Bujari nuk është se ndjellin rrezik për Flamurtarin. 16-16 dhe në përfundim 65-48 për Flamurtarin, që shënon fitoren e parë në fazën finale për titull kampion.

Pas ndeshjes

V.Toska (Trajneri i Flamurtarit) – “Jam shumë i lumtur me fitoren e arritur. Ekipi tregoi se gëzon një formë të mirë dhe për këtë i përgëzoj vajzat. Kërkoj që edhe në takimin e rradhës në Tiranë të shkojmë me këtë gjendje dhe të zhvillojmë një takim të mirë”.

R.Avrami (Trajneri i Tiranës) – “Flamurtari e meritoj plotësisht fitoren. Ashtu si dhe në takimin e kaluar në Vlorë, ekipi im zhvilloi një ndeshje të mirë. Vlonjatet ishin më kërkuese se ne, ndërsa gjykimi ishte korrekt”.

Loading...
Me shume ... shqiperia, shqiptarja,shqiperia qe duam,shqiponja,shqip tv,shqip shqip,shqiperia ime,shqiperia dhe bashkimi europian,shqiptaret per shqiptaret,shqiperia ne be,shqip anglisht,shqip gaming,shqip tv hd,shqip tv apk,shqip turqisht,shqip iptv,shqip gjermanisht,shqip greqisht,shqip al,shqip arabisht,shqip anglisht niveli i pare mesimi 5,shqip anglisht niveli i pare,shqip anglisht niveli i dyte,shqip anglisht niveli i dyte mesimi 1,shqip app,shqip anglisht per fillestar,shqip anglisht niveli 1 mesimi 2,shqiperi e mjera shqypni,shqipe a jashari,shqipe a bazi,shqipe.

Nese te pelqen lajmi atehere shperndaje