Home / Shendet / 9 muskuj që i neglizhojmë gjatë stërvitjes në palestër

9 muskuj që i neglizhojmë gjatë stërvitjes në palestër

Shëndet & Sport – Duke dashur të nxjerrim në pah vetëm disa prej muskujve që na bëjnë të dukemi “fit” në sytë e të tjerëve, harrojmë se duhet të merremi seriozisht edhe me disa “të harruar”, në mënyrë që koha që ia dedikojmë stërvitjes, të mos na shkojë dëm

Muskujt tanë ne i trajnojmë ashtu siç edhe lëvizim: në mënyrë shpesh të njëanshme e jo të harmonizuar. Pjesë të rëndësishme të trupit, thjesht i harrojmë, duke dashur të nxjerrim në pah vetëm ato që na bëjnë të dukemi “fit” në sytë e të tjerëve.

Kësisoj, ekspertët vlerësojnë se duhen paraqitur e bërë të ditura gjerësisht nëntë syresh, të cilat ia vlen të merremi seriozisht në mënyrë që të ruajmë balancën dhe që koha që ia dedikojmë stërvitjes, të mos na shkojë dëm.

“Bicepsi, pektorali, sixpack-u, muskulatura e vitheve, këto janë të gjithë objektiva për të cilat përpiqen shumë të rinj”, thotë Michael Hamel, terapist sportiv në një qendër të trajtimit të problemeve të shpinës e shtyllës kurrizore në Berlin. Sigurisht se të gjitha këto janë shumë më mirë se sa të rrish kot e gjithë ditën ulur në karrige e kolltuk.

Shumë stërviten vetëm për t’u dukur mirë

Dhe edhe trajnimi është shumëfish më i komplikuar se sa programi ynë i lëvizjeve. Shumë syresh përqendrohen vetëm tek muskujt që ata mund t’i shohin, apo që duan t’i nxjerrin në pah – duke i modeluar fuqishëm.

Mirëpo të tjerët, ata “të padukshmit” apo të panjohurit, mbesin pas, duke mos marrë porcionin e tyre të forcimit e duke lënë pas edhe pasoja.

Lojë e komplikuar

Veç tyre, shpeshherë, seancat e stërvitjes injorohen aq shumë, saqë muskujt kthehen në “zinxhirë funksionalë”. Kush pra trajnon vetëm një muskul shpatullash, i jep atij një porcion fuqie, porse loja e përbashkët me deficite e muskujve të kësaj zone, humbet lehtësisht balancën.

“Kush trajnon vetëm pjesën e poshtme të trekëndëshit, pa stërvitur të ashtuquajturin ‘serratus anterior’ apo muskujt me dhëmbëza të brinjëve anësore, nuk mund ta marrë dot në kontroll në terma afatgjatë pjesën e shpatullave. Për sa kohë që ata nuk mendojnë më për këtë, ajo do të dështojë të forcohet”, thotë specialisti i shkencave sportive, Oliver Hartelt.

Trajnim jokompetent

Të tilla keqkuptime ka shpesh. “Për të forcuar e për të pasur në formë shputën e këmbës, shumëkush trajnon muskujt e pulpave, duke përdorur tërheqëset e muskujve në veglat e palestrave, apo dhe shkallaret”, thotë Hartelt.

Llogaria, sidoqoftë, nuk del e saktë, para së gjithash, sepse ky lloj trajnimi, është i pasaktë. Për të mbajtur lart pingul shputat e këmbëve, e për t’i shtriqur ato sa më fort, duhen ushtrime speciale për muskuj të veçantë, që i shtrijnë më fort muskujt para dhe prapa këmbës”, thotë Hartelt, i cili është edhe mësues i dinamikës spirale.

Nuk mjafton vetëm “sixpack”-u

Edhe barku i sheshtë është i lidhur shpesh me mite e keqkuptime që vijnë nga sharlatanizmat joprofesionale. “Të gjithë flasin për sixpack-un apo muskujt e mirëmbajtur abdominalë”, thotë Hamel. Këtu, rectus abdominis, siç quhet në terma profesionalë, muskuli i barkut, i cili gëzon aq admirim ndër të rinjtë, ndahet jo në gjashtë, por në tetë pjesë apo fusha.

Shtoji këtu faktin se me ushtrimet e thjeshta për muskujt e barkut në pjesën e poshtme të muskulit rektal, nuk punohet thuajse fare. Dhe edhe në një pikë tjetër; trajnimi i muskujve të barkut, sikurse praktikohet sot gjithandej rëndom, është trajtuar shumë pak.

“Për të pasur kaq shumë rectus dhe sixpack, harrohet se janë edhe muskuj të tjerë, të cilët nuk dalin aq shumë në pah, por që janë vendimtarë për barkun dhe lëvizjet periodike të vitheve”.

Kështu, si përfundim, janë nëntë muskuj të cilëve duhet t’u jepni tashmë më shumë vëmendje gjatë stërvitjes suaj, nëse doni të arrini një harmonizim të tyre:

  1. muskujt rreth kyçeve të shputës së këmbëve
  2. ato rreth kupës së gjurit
  3. ato të legenit
  4. muskuli i barkut të sheshtë
  5. muskuli tërthor i barkut,
  6. muskujt e vitheve
  7. muskujt e shtyllës kurrizore
  8. muskujt e dhëmbëzuar të përparmë
  9. dyshemeja e legenit
Loading...
Me shume ... shqiperia, shqiptarja,shqiperia qe duam,shqiponja,shqip tv,shqip shqip,shqiperia ime,shqiperia dhe bashkimi europian,shqiptaret per shqiptaret,shqiperia ne be,shqip anglisht,shqip gaming,shqip tv hd,shqip tv apk,shqip turqisht,shqip iptv,shqip gjermanisht,shqip greqisht,shqip al,shqip arabisht,shqip anglisht niveli i pare mesimi 5,shqip anglisht niveli i pare,shqip anglisht niveli i dyte,shqip anglisht niveli i dyte mesimi 1,shqip app,shqip anglisht per fillestar,shqip anglisht niveli 1 mesimi 2,shqiperi e mjera shqypni,shqipe a jashari,shqipe a bazi,shqipe.

Nese te pelqen lajmi atehere shperndaje