Home / Lajme / “Kamikazë” të shqetësuar për sigurinë kombëtare

“Kamikazë” të shqetësuar për sigurinë kombëtare

Nga Mero Baze

Opozita ka bërë sot publike qëndrimin e saj zyrtar kundër politikës së jashtme të qeverisë shqiptare, duke shtrembëruar të vërtetën mbi partneritetin me NATO-n dhe vendet perëndimore, për të qenë pjesë e operacionit për çmontimin e ISIS. Është fjala për një qendër rajonale kundër ekstremizmit, që merret me analiza, vlerësime dhe studime, dhe jo për të krijuar këtu ndonjë repart grumbullimi të ish- luftëtarëve të ISIS.

Politikishtë opozita ka të drejtën e saj të jetë kundër bashkëpunimit me Perëndimin, por qëndrimi i opozitës është hipokrit, kur ajo bën sikur shqetësohet për sigurinë kombëtare. Siguria kombëtare e Shqipërisë, bazohet pikë së pari tek partneriteti i saj me NATO-n dhe Aleancën perëndimore, dhe çdo hap që e forcon këtë partneritet, e forcon dhe sigurinë kombëtare. Opozita ka të drejtë të kërkojë sqarime ndoshta jo publike për ndihmën e partnerëve ndërkombëtarë, përfitimet e Shqipërisë dhe detaje të tjera, por jo të bëjë sikur shqetësohet për sigurinë kombëtare dhe ta bëjë këtë duke shpikur vetë një lajm.

Pas vitit 1995, kur për herë të fundit socialistët kundërshtuan ardhjen e dy avionëve spiunë amerikanë në Gjadër, për të ndihmuar për luftën në Bosnjë, kjo është hera e dytë që një opozitë ngre rrezikun e prekjes së sigurisë kombëtare nga bashkëpunimi i Shqipërisë me vendet partnere të NATO-s.

I vetmi rrezik i sigurisë kombëtare, është beteja e opozitës kundër afrimit të Shqipërisë me BE-në, beteja e përditshme e baltosjes së saj si një vend që prodhon drogë dhe terrorizëm, dhe jo e kundërta.

Një opozitë kamikaze, që është gati të hedhë vendin në erë për interesa të ngushta politike, duket dhe më hipokrite kur po për interesa politike, bën dhe sikur shqetësohet për sigurinë kombëtare.

E dëgjuar nga Fatmir Mediu që hodhi në erë një fshat të tërë dhe futi qeverisjen e vendit në kolaps, për shkak të luftës që nisi kryeministri kundër çdo institucioni të shtetit për të shpëtuar të birin e tij nga përfshirja në këtë skandal, duket dhe më banale.

E dëgjuar nga Lulzim Basha, që ngeli çdo dy ditë në aeroportet e Europës për të lobuar kundër futjes së Shqipërisë në BE, është dhe më kriminale.

Por dhe kjo ka anën e saj të mirë.

Një opozitë e cila përfundon në këto qëndrime, tregon se është një opozitë e dëshpëruar, e cila pasi u lodh të ndajë Shqipërinë nga Perëndimi, tani ka nisur luftën të zbojë Perëndimin nga Shqipëria.

Konsiderimi i Perëndimit si një fuqi ekspasioniste, i cili kërkon të keqpërdorë Shqipërinë, duke bërë pazar me qeverinë, është niveli më i ulët banal i një politike populiste, e cila ndjehet e pafuqishme për të ndikuar në fatet e vendit.

Pasi u përpoq t’u mbushë mendjen shqiptarëve të bëhen me të, kundër një qeverie droge, krimi, bile dhe kundër një qeverie antiperëndimore, siç e quante, tani kemi një opozitë që po përpiqet t’i mbushë mendjen shqiptarëve, se kemi një qeveri shërbëtore të Perëndimit, që duhet përmbysur.

Dëshpërimi i Lulzim Bashës u ndje një ditë më parë, kur tha se PD nuk mund të zëvendësojë popullin shqipar, duke u dorëzuar si një lider, i cili nuk ka më mbështetjen e këtij populli. Dhe për ta kompensuar këtë, ka vendosur të bëjë kamikazin në emër të sigurisë kombëtare, duke shpresuar se armiqësia e shqiptarëve me Perëndimin, mund ta sjellë në pushtet. Kaq kanë bërë dhe lufëtarët e ISIS në vendet e tyre, por nuk ja dolën dot.

Loading...
Me shume ... shqiperia, shqiptarja,shqiperia qe duam,shqiponja,shqip tv,shqip shqip,shqiperia ime,shqiperia dhe bashkimi europian,shqiptaret per shqiptaret,shqiperia ne be,shqip anglisht,shqip gaming,shqip tv hd,shqip tv apk,shqip turqisht,shqip iptv,shqip gjermanisht,shqip greqisht,shqip al,shqip arabisht,shqip anglisht niveli i pare mesimi 5,shqip anglisht niveli i pare,shqip anglisht niveli i dyte,shqip anglisht niveli i dyte mesimi 1,shqip app,shqip anglisht per fillestar,shqip anglisht niveli 1 mesimi 2,shqiperi e mjera shqypni,shqipe a jashari,shqipe a bazi,shqipe.

Nese te pelqen lajmi atehere shperndaje